Administrazio eta Finantza zikloko lehen eta bigarren mailako hamabi ikasle eta irakasle bi bisitan izan dira asteon Senatuko egoitzan. Eraikinaren historia ezagutzeaz gain, Goi Ganberako hemiziklo zaharra eta gaur egun erabiltzen dena bisitatu dituzte. Azalpenak emateko, gidari izan dituzte Lea Artibaiko bi senatari: Jose Mari Cazalis eta Maria Dolores Etxano jeltzaleak. 

Bi urterik behin egiten dute Lea Artibai Ikastetxekoek bisita hau Madrilera; izan ere, bigarren mailan Dokumentazio Juridikoa eta Finantza ikasgaiak lantzen dituztenez, aberasgarria deritze itreera hau. Senatuaz gain, Espainiako Bankuaren egoitza nagusian izango dira eta Diputatuen Kongresuan.